मनोबुद्ध्यहङ्कार चित्तानि नाहं
न च श्रोत्र जिह्वे न च घ्राण नेत्रे ।
न च व्योम भूमिर्न तेजो न वायुः
चिदानन्दरूपः शिवोऽहम् शिवोऽहम् ॥१॥
चिदानन्दरूपः शिवोऽहम् शिवोऽहम् ॥
न च प्राणसंज्ञो न वै पञ्चवायुः
न वा सप्तधातुः न वा पञ्चकोशः ।
न वाक्पाणिपादं न चोपस्थपायु
चिदानन्दरूपः शिवोऽहम् शिवोऽहम् ॥२॥
चिदानन्दरूपः शिवोऽहम् शिवोऽहम् ॥
न मे द्वेषरागौ न मे लोभमोहौ
मदो नैव मे नैव मात्सर्यभावः ।
न धर्मो न चार्थो न कामो न मोक्षः
चिदानन्दरूपः शिवोऽहम् शिवोऽहम् ॥३॥
चिदानन्दरूपः शिवोऽहम् शिवोऽहम् ॥
न पुण्यं न पापं न सौख्यं न दुःखं
न मन्त्रो न तीर्थं न वेदा न यज्ञाः ।
अहं भोजनं नैव भोज्यं न भोक्ता
चिदानन्दरूपः शिवोऽहम् शिवोऽहम् ॥४॥
चिदानन्दरूपः शिवोऽहम् शिवोऽहम् ॥
न मृत्युर्न शङ्का न मे जातिभेदः
पिता नैव मे नैव माता न जन्मः ।
न बन्धुर्न मित्रं गुरुर्नैव शिष्यं
चिदानन्दरूपः शिवोऽहम् शिवोऽहम् ॥५॥
चिदानन्दरूपः शिवोऽहम् शिवोऽहम् ॥
अहं निर्विकल्पो निराकाररूपो
विभुत्वाच्च सर्वत्र सर्वेन्द्रियाणाम् ।
न चासङ्गतं नैव मुक्तिर्न मेयः
चिदानन्दरूपः शिवोऽहम् शिवोऽहम् ॥६॥
चिदानन्दरूपः शिवोऽहम् शिवोऽहम् ॥
इति श्रीमच्छङ्कराचार्यविरचितं निर्वाणषट्कं संपूर्णम् ॥
अन्य षटकम् संग्रह
कारण षटकम् | Kaaran Shatakam
कृष्णक्रिया षटकम् | Krishna KriyaShatkam
शिव सम्बन्धित अन्य पृष्ठ
श्री शिव अष्टोत्तर शतनामावली | शिव 108 नामावली | Ashtottara Shatanamavali of Lord Shiva
शिव तांडव स्तोत्रम् | Shiv Tandav Stotram
नटराज अष्टकम | Nataraja Ashtakam
अमोघ शिव कवच | Amogh Shiv Kavach | Shiv kavach
शिवषडक्षरस्तोत्रम् | Shivashadakshara Stotram | शिव षडक्षर स्तोत्र
शिवाष्टकम् | Shivashtakam
शिव पंचाक्षर स्तोत्रम् | Shiv panchakshara Stotram
शिवमहिम्नः स्तोत्रम् | Shiva Mahimna Stotram
शिव मानस पूजा | Shiv Manas Pooja