नित्यानन्दकरी वराभयकरी सौन्दर्यरत्नाकरी
निर्धूताखिलघोरपावनकरी प्रत्यक्षमाहेश्वरी ।
प्रालेयाचलवंशपावनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ १॥
नानारत्नविचित्रभूषणकरी हेमाम्बराडम्बरी
मुक्ताहारविलम्बमानविलसद्वक्षोजकुम्भान्तरी ।
काश्मीरागरुवासिताङ्गरुचिरे काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ २॥
योगानन्दकरी रिपुक्षयकरी धर्मार्थनिष्ठाकरी
चन्द्रार्कानलभासमानलहरी त्रैलोक्यरक्षाकरी ।
सर्वैश्वर्यसमस्तवाञ्छितकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ ३॥
कैलासाचलकन्दरालयकरी गौरी उमा शङ्करी
कौमारी निगमार्थगोचरकरी ओङ्कारबीजाक्षरी ।
मोक्षद्वारकपाटपाटनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ ४॥
दृश्यादृश्यविभूतिवाहनकरी ब्रह्माण्डभाण्डोदरी
लीलानाटकसूत्रभेदनकरी विज्ञानदीपाङ्कुरी ।
श्रीविश्वेशमनःप्रसादनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ ५॥
उर्वीसर्वजनेश्वरी भगवती मातान्नपूर्णेश्वरी
वेणीनीलसमानकुन्तलहरी नित्यान्नदानेश्वरी ।
सर्वानन्दकरी सदा शुभकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ ६॥
आदिक्षान्तसमस्तवर्णनकरी शम्भोस्त्रिभावाकरी
काश्मीरात्रिजलेश्वरी त्रिलहरी नित्याङ्कुरा शर्वरी ।
कामाकाङ्क्षकरी जनोदयकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ ७॥
देवी सर्वविचित्ररत्नरचिता दाक्षायणी सुन्दरी
वामं स्वादुपयोधरप्रियकरी सौभाग्यमाहेश्वरी ।
भक्ताभीष्टकरी सदा शुभकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ ८॥
चन्द्रार्कानलकोटिकोटिसदृशा चन्द्रांशुबिम्बाधरी
चन्द्रार्काग्निसमानकुन्तलधरी चन्द्रार्कवर्णेश्वरी ।
मालापुस्तकपाशासाङ्कुशधरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ ९॥
क्षत्रत्राणकरी महाऽभयकरी माता कृपासागरी
साक्षान्मोक्षकरी सदा शिवकरी विश्वेश्वरश्रीधरी ।
दक्षाक्रन्दकरी निरामयकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥ १०॥
अन्नपूर्णे सदापूर्णे शङ्करप्राणवल्लभे ।
ज्ञानवैराग्यसिद्ध्यर्थं भिक्षां देहि च पार्वति ॥ ११॥
माता च पार्वती देवी पिता देवो महेश्वरः ।
बान्धवाः शिवभक्ताश्च स्वदेशो भुवनत्रयम् ॥ १२॥
अन्य स्तोत्र संग्रह
![आदित्य हृदय स्तोत्र | Aditya Hridaya Stotra](https://brahmabhakti.com/wp-content/uploads/2023/05/श्री-सूर्य-देव-आदित्यहृदय-स्तोत्र_1.jpg)
आदित्य हृदय स्तोत्र | Aditya Hridaya Stotra
![श्री गणेश-लक्ष्मी स्तोत्र | Ganesha Lakshmi Stotra](https://brahmabhakti.com/wp-content/uploads/2023/08/श्री-गणेश-लक्ष्मी-स्तोत्र_2-150x84.jpg)
श्री गणेश-लक्ष्मी स्तोत्र | Ganesha Lakshmi Stotra
![श्री सिद्धकुञ्जिकास्तोत्रम् | Siddha Kunjika Stotram](https://brahmabhakti.com/wp-content/uploads/2023/08/श्री-सिद्ध-कुञ्जिका-स्तोत्रम्_4-150x84.jpg)
श्री सिद्धकुञ्जिकास्तोत्रम् | Siddha Kunjika Stotram
![दुर्गा सप्तशती क्षमा प्रार्थना | Durga Saptashati Kshama Prarthana](https://brahmabhakti.com/wp-content/uploads/2023/08/दुर्गा-सप्तशती-क्षमा-प्रार्थना_1-150x84.jpg)
दुर्गा सप्तशती क्षमा प्रार्थना | Durga Saptashati Kshama Prarthana
![शिव तांडव स्तोत्रम् | Shiv Tandav Stotram](https://brahmabhakti.com/wp-content/uploads/2023/08/Shiv-Tandav-Strot_1_11zon-150x85.jpg)
शिव तांडव स्तोत्रम् | Shiv Tandav Stotram
![श्री गकार गणपति अष्टोत्तर शतनामावली स्तोत्रम | Gakara Ganapati Ashtottara Shatanama Stotram](https://brahmabhakti.com/wp-content/uploads/2023/08/श्री-गकार-गणपति-अष्टोत्तर-शतनामावली-स्तोत्रम_5-150x85.jpg)
श्री गकार गणपति अष्टोत्तर शतनामावली स्तोत्रम | Gakara Ganapati Ashtottara Shatanama Stotram
![श्री कनकधारा स्तोत्रम् । Kanakadhara Stotram](https://brahmabhakti.com/wp-content/uploads/2023/08/श्री-कनकधारा-स्तोत्रम्_4-150x85.jpg)
श्री कनकधारा स्तोत्रम् । Kanakadhara Stotram
![श्री लक्ष्मी नारायण स्तोत्रम् | Shri Laxmi Narayan Stotram](https://brahmabhakti.com/wp-content/uploads/2023/08/श्री-लक्ष्मी-नारायण-स्तोत्रम्_1-150x85.jpg)
श्री लक्ष्मी नारायण स्तोत्रम् | Shri Laxmi Narayan Stotram
![शिवषडक्षरस्तोत्रम् | Shivashadakshara Stotram](https://brahmabhakti.com/wp-content/uploads/2023/08/शिवषडक्षरस्तोत्रम्_4-150x85.jpg)
शिवषडक्षरस्तोत्रम् | Shivashadakshara Stotram