देवराज सेव्यमान पावनाङ्घ्रि पङ्कजं
व्यालयज्ञ सूत्रमिन्दु शेखरं कृपाकरम्
नारदादि योगिवृन्द वन्दितं दिगंबरं
काशिका पुराधिनाथ कालभैरवं भजे॥ १॥
भानुकोटि भास्वरं भवाब्धितारकं परं
नीलकण्ठम् ईप्सितार्थ दायकं त्रिलोचनम् ।
कालकालम् अंबुजाक्षम् अक्षशूलम् अक्षरं
काशिका पुराधिनाथ कालभैरवं भजे॥२॥
शूलटङ्क पाशदण्ड पाणिमादि कारणं
श्यामकायम् आदिदेवम् अक्षरं निरामयम् ।
भीमविक्रमं प्रभुं विचित्रताण्डवप्रियं
काशिका पुराधिनाथ कालभैरवं भजे ॥३॥
भुक्तिमुक्तिदायकं प्रशस्तचारुविग्रहं
भक्तवत्सलं स्थितं समस्तलोकविग्रहम् ।
विनिक्वणन् मनोज्ञहेमकिङ्किणी लसत्कटिं
काशिका पुराधिनाथ कालभैरवं भजे ॥४॥
धर्मसेतुपालकं त्वधर्ममार्गनाशकं
कर्मपाश मोचकं सुशर्मदायकं विभुम् ।
स्वर्णवर्णशेषपाश शोभिताङ्गमण्डलं
काशिका पुराधिनाथ कालभैरवं भजे ॥ ५॥
रत्नपादुका प्रभाभिराम पादयुग्मकं
नित्यम् अद्वितीयम् इष्टदैवतं निरञ्जनम् ।
मृत्युदर्पनाशनं कराळदंष्ट्रमोक्षणं
काशिका पुराधिनाथ कालभैरवं भजे ॥६॥
अट्टहास भिन्नपद्मजाण्डकोश सन्ततिं
दृष्टिपातनष्टपाप जालमुग्रशासनम् ।
अष्टसिद्धिदायकं कपाल मालिकन्धरं
काशिका पुराधिनाथ कालभैरवं भजे ॥७॥
भूतसङ्घनायकं विशालकीर्तिदायकं
काशिवासलोक पुण्यपापशोधकं विभुम् ।
नीतिमार्गकोविदं पुरातनं जगत्पतिं
काशिका पुराधिनाथ कालभैरवं भजे ॥८॥
कालभैरवाष्टकं पठन्ति ये मनोहरं
ज्ञानमुक्तिसाधनं विचित्रपुण्यवर्धनम् ।
शोक मोह दैन्य लोभ कोप ताप नाशनं
ते प्रयान्ति कालभैरवाङ्घ्रि सन्निधिं ध्रुवम् ॥९॥
इति श्रीमच्छङ्कराचार्यविरचितं कालभैरवाष्टकं संपूर्णम् ॥
अन्य अष्टक संग्रह
![स्वामी समर्थ अष्टक | Swami Samarth Ashtak](https://brahmabhakti.com/wp-content/uploads/2023/08/स्वामी-समर्थ-अष्टक_2-150x85.jpg)
स्वामी समर्थ अष्टक | Swami Samarth Ashtak
![नटराज अष्टकम | Nataraja Ashtakam](https://brahmabhakti.com/wp-content/uploads/2023/08/नटराज-अष्टकम_3-150x85.jpg)
नटराज अष्टकम | Nataraja Ashtakam
![शिवाष्टकम् | Shivashtakam](https://brahmabhakti.com/wp-content/uploads/2023/08/शिवाष्टकम्_5-150x85.jpg)
शिवाष्टकम् | Shivashtakam
![गणनायक -गणेश अष्टकम् | Shree Gannayak Ganesh Ashtakam](https://brahmabhakti.com/wp-content/uploads/2023/10/Shri-Gannayak-Ganesh-Ashtakam_4_11zon-150x85.jpg)
गणनायक -गणेश अष्टकम् | Shree Gannayak Ganesh Ashtakam
![श्री दत्ता अष्टकम | Shree Datta Ashtakam](https://brahmabhakti.com/wp-content/uploads/2023/10/श्री-दत्ता-अष्टकम-150x85.jpg)
श्री दत्ता अष्टकम | Shree Datta Ashtakam
![श्री सूर्य अष्टकम | Shree Surya Ashtakam](https://brahmabhakti.com/wp-content/uploads/2023/10/श्री-सूर्य-अष्टकम-150x85.jpg)
श्री सूर्य अष्टकम | Shree Surya Ashtakam
![संकटमोचन हनुमान अष्टकम | Sankata Mochana Hanuman Ashtak](https://brahmabhakti.com/wp-content/uploads/2023/10/संकटमोचन-हनुमान-अष्टकम--150x85.jpg)
संकटमोचन हनुमान अष्टकम | Sankata Mochana Hanuman Ashtak
![श्री दुर्गा अष्टकम् | Shree Durga Ashtakam](https://brahmabhakti.com/wp-content/uploads/2023/10/श्री-दुर्गा-अष्टकम्-150x85.jpg)
श्री दुर्गा अष्टकम् | Shree Durga Ashtakam
![गंगा अष्टकम | Ganga Ashtakam](https://brahmabhakti.com/wp-content/uploads/2023/11/गंगा-अष्टकम-150x85.png)
गंगा अष्टकम | Ganga Ashtakam